Yaponiya II Dünya müharibəsindən sonra ilk dəfə mərkəzləşdirilmiş kəşfiyyat xidməti yaradır

Yaponiya hökuməti İkinci Dünya müharibəsindən sonra ilk dəfə vahid mərkəzləşdirilmiş kəşfiyyat xidməti yaradacaq.

Publika.az xəbər verir ki, bu barədə "The New York Times" məlumat yayıb.

Bildirilib ki, yeni qurumun fəaliyyətə bu ilin dekabrında başlaması planlaşdırılır. Xidmət birbaşa Baş nazir Sanae Takai­tiyə tabe olacaq. İlkin mərhələdə qurumda bir neçə yüz əməkdaş, o cümlədən kibertəhlükəsizlik mütəxəssisləri, proqram mühəndisləri və analitiklər çalışacaq. Layihənin büdcəsinin 400 milyon dollar olacağı deyilir.

Məlumata görə, Yaponiya yeni kəşfiyyat xidmətinin yaradılması zamanı ABŞ, Avstraliya və Almaniya ilə texnologiya, kadr hazırlığı və işin təşkili sahəsində əməkdaşlıq edir. İslahat Çin, Rusiya və Şimali Koreyadan qaynaqlanan təhlükələrin artması fonunda ölkənin təhlükəsizlik strategiyasının yenilənməsinin tərkib hissəsi hesab olunur.

Bununla yanaşı, təşəbbüs ölkə daxilində də müzakirələrə səbəb olub. Müxalifət nümayəndələri yeni qurumun şəxsi həyata müdaxilə riskini artıracağını və kütləvi nəzarət sisteminə yol aça biləcəyini bildirirlər.