“İsrail Livan ərazisində hərbi əməliyyatları davam etdirərsə, İran ABŞ-la danışıqları yenidən dayandıra bilər”.

Globalinfo.az xəbər verir ki, bunu İran parlamentinin sədri Məhəmməd Bağır Qalibaf deyib.

Onun sözlərinə görə, İsrailin Livana qarşı “təcavüzü” davam edərsə, Tehran həm də düşmənlə birbaşa toqquşmaya girəcək.

Daha əvvəl də bildirilmişdi ki, Livandakı gərginlik səbəbilə İran ABŞ ilə danışıqları dayandırmışdı. Bölgədə atəşkəs danışıqların bərpası üçün əsas şərtlərdən biri kimi göstərilirdi.

Bundan əlavə, İranın Hörmüz boğazını tam bağlamağı və Bab əl-Məndəb bölgəsində hərbi fəaliyyəti artırmağı nəzərdən keçirdiyi iddia olunur.