ABŞ Türkiyə və Ermənistan birgə işçi qrupunun iclasını alqışlayır.

Publika.az xəbər verir ki, bu barədə ABŞ-ın Türkiyədəki səfiri Tom Barrak bildirib.

Səfir görüşü regional əlaqə və sülh quruculuğu üçün əhəmiyyətli mərhələ adlandırıb: “Türkiyə və Ermənistan rəsmiləri Qars şəhərində görüşərək, Qars-Gümri dəmir yolunun yenidən qurulması üçün birgə işçi qrupunun yaradıldığını elan etdilər. Bu yol bir əsrdən çox müddətdə bölgəni birləşdirən əss ticarət və tranzit yolu kimi xidmət edib. Sonuncu qatar 1993-cü ilin iyul ayında Türkiyə-Ermənistan sərhədini keçdi, bundan sonra bağlandı”.

Amerikalı səfir vurğulayıb ki, əldə edilmiş irəliləyiş Trampın “Beynəlxalq Sülh və Rifah Yolu” təşəbbüsünün – TRİPP layihəsinin (Zəngəzur dəhlizi) yaratdığı vizyonu əks etdirir və 8 avqust Vaşinqton görüşünün nəticəsidir.