ABŞ prezidenti Donald Trampın sözlərinə görə, Amerikanın hərbi-dəniz blokadası davam edərsə, İran neft kəmərləri təxminən üç gün ərzində partlaya bilər.

Publika.az xəbər verir ki, Tramp bu barədə “Fox News”a verdiyi müsahibədə bildirib.

“İranın neft boru kəmərləri "külli miqdarda neft" daşıyır. Və əgər hər hansı bir səbəbdən həmin xətt bağlanarsa, onu anbarlara və ya gəmilərə yükləyə bilməzlərsə, həmin xətt özünü içəridən partladacaq. Bunun baş verməsi üçün İranın təxminən üç günü var", - Tramp deyib.

Amerika prezidentinin sözlərinə görə, belə bir inkişaf baş verərsə, İran neft hasilatının yarısını itirə bilər.