İsrail ordusu İrana qarşı hərbi əməliyyatları bərpa etməyə hazırdır və məqsəd İslam Respublikasının iqtisadi infrastrukturunu tamamilə məhv etmək, onun ali rəhbərliyini aradan qaldırmaqdır.

Teleqraf xəbər verir ki, bu barədə İsrailin müdafiə naziri İsrael Katz bildirib. O əlavə edib ki, İsrail ABŞ-dən "yaşıl işıq" gözləyir.

"İsrail İrana qarşı müharibəni bərpa etməyə hazırdır. İsrail Müdafiə Qüvvələri həm müdafiəyə, həm də hücuma hazırdır və hədəflər müəyyən edilib. İsrail bu dəfə mümkün olan ən sərt tədbirlər görməyi planlaşdırıb və İran iqtisadiyyatını tamamilə məhv etmək niyyətindədir. ABŞ-dən "yaşıl işıq" gözləyirik. İlk növbədə, İsraili məhv etmək planını irəli sürən Xamenei sülaləsinin, eləcə də İran terrorçu rejiminin varislərinin tamamilə aradan qaldırılması və mərkəzi enerji qurğularını partlatmaqla milli iqtisadi infrastrukturu məhv edəcəyik. İranı qaranlıq və daş dövrünə qaytaracağıq. Bu dəfə hücum fərqli və ölümcül olacaq", - deyə Katz əlavə edib. "