“Ermənistana sülhün gəldiyi özünü gözlədiyimdən daha güclü şəkildə göstərir. Bunu İrəvanda və bölgələrdə vətəndaşlarla görüşlər zamanı hiss edirəm”.

Publika.az xəbər verir ki, bu barədə Ermənistanın baş naziri Nikol Paşinyan deyib.

Erməni baş nazir bildirib ki, vətəndaşlar sülh şəraitində psixoloji və mənəvi rahatlıq hiss etdiklərini deyirlər: “Çünki ölkədə sülh hökm sürr. Həmişə yaşadığımız əsəbilik, gərginlik və narahatlıq əvəzinə indi rahatlıq hiss edirik. Düşünürəm ki, vətəndaşlar da tibbi sığorta sisteminin, pensiya artımlarının və digər üstünlüklərin dolayısı ilə olsa da, sülhlə əlaqəli olduğunu anlayırlar”.

Paşinyan qeyd edib ki, sülhə inam olmasaydı və hakimiyyətin yeni eskalasiya gözləntiləri olsaydı, sosial sektora bu qədər pul ayrılmazdı.

“Sülh iqtisadi artım üçün imkanlar yaradıb. Vətəndaşlar sülhü gözlədiyimizdən daha güclü şəkildə hiss edirlər”, - o bildirib.