ABŞ-da yerləşən Dünya Resursları İnstitutu (WRI) 33 ölkəni əhatə edən qorxunc təhlil dərc edib.

Publika.az xəbər verir ki, təhlilə əsasən, 2040-cı ilə qədər bəzi ölkələrin kritik səviyyədə su böhranı ilə qarşılaşacağı proqnozlaşdırılır.

Bildirilib ki, Bəhreyn, Küveyt, Qətər, Birləşmiş Ərəb Əmirlikləri (BƏƏ), Fələstin, İsrail və Səudiyyə Ərəbistanı kimi ölkələr riskin ən çox hiss olunacağı bölgələrdir.

Həmçinin, Azərbaycan, San Marino, Sinqapur, Oman, Livan, Qırğızıstan, İran, İordaniya, Liviya, Yəmən, Makedoniya, Mərakeş, Qazaxıstan, İraq, Ermənistan, Pakistan, Çili, Suriya, Türkmənistan, Türkiyə, Yunanıstan, Özbəkistan, Əlcəzair, Əfqanıstan, İspaniya və Tunis də bu yüksək risk qrupuna daxildir.

UNESCO-nun məlumatlarına görə, hazırda dünya əhalisinin 26 faizi təhlükəsiz içməli suya çıxış imkanına malik deyil.