Üç supertanker Hörmüz boğazından uğurla keçib. Bu hadisə Pakistanda sülh danışıqlarının başlaması fonunda baş verib.

Globalinfo.az xəbər verir ki, bu barədə “Reuters” məlumat yayıb.

Məlumata görə, bu gəmilər ABŞ və İran arasında əldə olunan atəşkəs razılaşmasından sonra Fars körfəzini tərk edən ilk tankerlər hesab olunur.

“London Stock Exchange Group”un məlumatına əsasən, boğazdan VLCC (Very Large Crude Carrier) tipli aşağıdakı tankerlər hərəkət edib:

Serifos (Liberiya bayrağı altında)

Cospearl Lake və He Rong Hai (Çin bayrağı altında)

Gəmilər İranın Larak adası ətrafından keçən “sınaq lövbər zonası” vasitəsilə boğaza daxil olaraq hərəkət ediblər.
Qeyd edək ki, hər bir supertanker təxminən 2 milyon barel neft daşımaq gücünə malikdir.