İranın Küveytdəki ABŞ bazasına hücumundan sağ çıxanlar Pentaqon rəhbəri Pit Heqseti baş verənlər barədə yalan danışmaqda ittiham ediblər.

Axar.az xəbər verir ki, bu barədə “CBS Nyus” məlumat yayıb.

“Müharibənin başlanğıcından bəri İranın ABŞ qüvvələrinə qarşı ən ölümcül hücumundan sağ çıxanlar Pentaqonun hadisələrlə bağlı verdiyi açıqlamanı təkzib edir və Küveytdəki bölmələrinin təhlükə altında olduğunu iddia edirlər. Hərbi personal “PUA-nın möhkəmləndirilmiş obyektin müdafiəsini yardığını” iddia edən Heqsetin hadisələrlə bağlı verdiyi açıqlamanı təkzib edib. Yaralı əsgərlərdən biri bunu yalan adlandırıb və mövqenin möhkəmləndirilmədiyini, bölmənin kifayət qədər müdafiəyə malik olmadığını vurğulayıb. Əsgər bildirib ki, bölmə özünü heç bir müdafiə növü ilə təmin etməyə hazır deyildi. Bu, möhkəmləndirilmiş mövqe deyildi”, - məlumatda deyilib.

Qeyd olunub ki, sözügedəm hücum nəticəsində altı nəfər həlak olub, 20-dən çox insan yaralanıb. Bu, 2021-ci ildən bəri ABŞ qoşunlarına qarşı ən ölümcül hücum olub. Hərbi personal partlayışdan sonra qurbanların ağır baş yaraları, qanaxma və eşitmə zədəsi aldığını bildirib.