“Tramp NATO-dan çıxa bilməyəcək, lakin ABŞ qoşunlarını Avropadan geri çəkə bilər”.

Publika.az xəbər verir ki, bu barədə İtaliyanın müdafiə naziri Quido Krosetto “Corriere della Sera” qəzetinə müsahibəsində deyib.

İtaliyalı nazir Trampın ABŞ-ı NATO-dan çıxara biləcəyinə inanmır.

“Onun Konqresdə səsverməyə ehtiyacı olacaq və şübhə edirəm ki, onlar lehinə qərar verəcəklər. Bunun əvəzində o (Tramp-red), qoşunları Avropadan çıxarmaq qərarına gələ bilər. Belə bir qərar bizi təhlükəsizlik baxımından zəiflədəcək. Hazırda ABŞ qoşunlarını əvəz etmək iqtidarında deyilik”, - o bildirib.

Qeyd edək ki, ABŞ prezidenti Donald Tramp NATO müttəfiqlərinin İrana qarşı müharibədə iştirakdan imtina etməsindən sonra Şimal Alyansından çıxa biləcəklərini bildirmişdi.