ABŞ demək olar ki, bütün uzunmənzilli "JASSM-ER" raket ehtiyatını İrana qarşı istifadə etmək üçün hərəkətə gətirmək qərarına gəlib.

Publika.az xəbər verir ki, bu barədə "Bloomberg" agentliyi məlumat yayıb. Nəşr mövcud vəziyyət barədə məlumatlı olan mənbəsinə istinad edib.

Agentliyin mənbəsi iddia edib ki, qərar mart ayının sonunda verilib. ABŞ hakimiyyəti bu güclü və gizli hesab olunan raketlərin Sakit Okean bölgəsindən ABŞ Mərkəzi Komandanlıq bazalarına və ya Britaniyanın Fairford adlanan ərazisinə daşınması əmrini verib.

Mənbə bildirib ki, ABŞ-ın İrana qarşı hərbi əməliyyatdan əvvəl təxminən 2300 belə raketi var idisə, bu rəqəm indi 425-ə çatıb. Daha 75 raketin döyüş başlığı isə nasaz hesab olunur.