Ermənistanın Baş naziri Nikol Paşinyan aprelin 2-də keçirdiyi brifinq zamanı jurnalistlə mübahisə edib.

Publika.az xəbər verir ki, jurnalist müxtəlif tədbirlər zamanı hüquq-mühafizə orqanlarının əməkdaşlarının onun işinə mane olması barədə soruşub.

"Sən həmişə onların ayaqlarının altında peyda olursan. Onların sənin üstündən keçmədiklərinə minnətdar olmalısan. Əgər sual vermisənsə, sus, əks halda buradan qovulacaqsan. Sus!", - Paşinyan ucadan cavab verib.

Paşinyan əlavə edib ki, jurnalist qəsdən "uzanır" ki, hüquq-mühafizə orqanlarının əməkdaşları onun üzərindən keçsinlər.