NATO-nun Baş katibi Mark Rutte ABŞ Prezidenti Donald Trampdan Hörmüz boğazında naviqasiya təhlükəsizliyinin təmin edilməsində alyans ölkələrinin Vaşinqtona kömək göstərməsi məsələsində anlayış nümayiş etdirməsini xahiş edib.

Publika.az xəbər verir ki, bu barədə "CBS News" məlumat yayıb.

O qeyd edib ki, Trampın məyusluğunu anlayır, lakin həm də ondan qarşılıqlı anlayış xahiş edib; çünki "hər nə qədər tutarlı səbəblərdən olsa da" İrana edilən ilkin hücum barədə xəbərdar edilməyən ölkələrin hazırlaşmağa ehtiyacı var.

Rutte əlavə edib ki, Şimali Atlantika Alyansının bir sıra üzvləri də daxil olmaqla, 22 dövlət Hörmüz boğazında gəmilərin təhlükəsizliyini təmin etmək yollarını müzakirə edir və bütün bu səylərə Böyük Britaniya rəhbərlik edir.