Suriya xalqı azadlığının birinci ildönümünü qeyd edərkən, ordu PKK/YPG terror təşkilatının nəzarətində olan əraziləri hədəf alan əməliyyat hazırlıqlarını sürətləndirib.

Publika.az "Haber7"yə istinadən xəbər verir ki, təhlükəsizlik mənbələrinə görə, Suriya ordusu PKK-SDF strukturuna verilən son tarix bitdikdən sonra genişmiqyaslı əməliyyata başlamağa hazırlaşır.

Bildirilib ki, yalnız bu xəttə yeddi diviziya və 80 min əsgər yerləşdiriləcək. Bu rəqəmin gedişata uyğun olaraq artacağı və pilotsuz uçuş aparatlarının (PUA), helikopterlərin və qırıcı təyyarələrin də ordunun inventarındakı ağır silahları dəstəkləyəcəyi qeyd olunub.

Həmçinin, Deyr əz-Zor, Tişrin-Karakozaq, Təbqə, Halsa, Ayn İssa və Raqqa cəbhələrinə çoxsaylı PUA və UCAV, eləcə də kəşfiyyat üçün texniki avadanlıqlar yerləşdirilib, bütün döyüş bölmələrinin mövqe təyinatları da tamamlanıb.