ABŞ Dövlət Departamenti rəsmi şəkildə Maduro rejimini xarici terror təşkilatı kimi tanıdı. Bu qərar, faktiki olaraq Venesuelaya qarşı hərbi intervensiyanı(hücumu) beynəlxalq hüquq baxımından legitimləşdirir.

Axar.az xəbər verir ki, bu sözləri politoloq Kamran Cəfərov qeyd edib.

O, Nikolas Maduro rejiminin terrr təşkilatı kimi tanınmasının hansı imkanlar yaratdığını sadalayıb:

- Xarici aktivlərin dərhal dondurulması;

- Dünyanın hər yerində rejim tərəfdarların cinayət məsuliyyətinə cəlb edilməsi.

“Hal-hazırda Venesuela hava məkanı faktiki olaraq boşdur (Ukrayna hava məkanı kimi) və ABŞ tərəfindən hava hücumlarının başlanma ehtimalı olduqca yüksəkdir”, - politoloq vurğulayıb.

Qeyd edək ki, Venesuela dünyada ən böyük neft ehtiyatlarina malik olan ölkədir, amma sərt sanksiyalar səbəbindən Venesuela nefti dünya bazarına buraxılmır və Çin bu durumdan yararlanır: Venesuela neft ixracının 90%-i məhz Çinə gedir.