İsrailin Beyrutun cənub ətraflarına endirdiyi hava hücumu Livanın cənubundakı müqavimət qüvvələrinin görkəmli liderini məhv etmək məqsədi daşıyırdı.

Publika.az xəbər verir ki, bunu "Hizbullah"ın siyasi şurasının sədr müavini Mahmud Kummati bildirib.

Onun sözlərinə görə, bu hücumla "İsrail qırmızı xətti keçib".

Kummati əlavə edib ki, hərəkatın komandirlərindən biri öldürülüb və onun kimliyini müəyyən etmək üçün iş gedir.

Hizbullah sözçüsü əlavə edib ki, İsrail ordusunun aqressiv hərəkəti hərbi eskalasiyaya yol açır.

Qeyd edək ki, bundan əvvəl İsrail Müdafiə Qüvvələri Livanın paytaxtı Beyruta hava zərbəsi endirdiyini, hədəfin isə "Hizbullah" administrasiyasının rəhbəri Haytam Əli Tabatabayi olduğunu açıqlayıb.