"ABŞ-ın Ukrayna ilə bağlı sülh planı Ukrayna dövlətinə tam xəyanətidir".

Publika.az xəbər verir ki, bu barədə "Daily Mail" üçün yazdığı məqalədə Böyük Britaniyanın sabiq Baş naziri Boris Conson bildirib.

Onun sözlərinə görə, həmin Amerika sənədi Ukraynanın hərbi kastrasiyasını nəzərdə tutur.

Eks-baş nazir planı “Münhen”lə müqayisə edib, yəni 1938-ci il Münhen sazişini nəzərdə tutaraq, Britaniya və Fransanın nasist Almaniyasına Çexoslovakiyanı işğal etməyə imkan verdiyini xatırladıb.

Conson sənədi Ukraynanın dostlarının tam kapitulyasiyası adlandırıb. O hesab edir ki, Kiyev bu rüsvayçı şərtlərlə danışıqlara başlamaq üçün ultimatum alıb.

Cümə günü ABŞ prezidenti Donald Tramp bəyan edib ki, Ukrayna Vaşinqtonun sülh planına 27 noyabra qədər razılıq verməlidir.