Bu gün Yaponiya sahillərində 6 bal gücündə ardıcıl iki zəlzələ qeydə alınıb.

Axar.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Yeraltı təkanların episentri təxminən 51 min əhalisi olan Miyako şəhərindən 128 kilometr şərqdə yerləşib.

Zəlzələnin ocağı 20 kilometr dərinlikdə olub.

İtki və dağıntı barədə məlumat yoxdur. Sunami təhlükəsi bildirilməyib.

Xatırladaq ki, noyabrın 9-da da Yaponiyanın şimal-şərqində güclü zəlzələ baş verib.