Ərdoğan Şahbaz Şəriflə hansı mühüm məsələni müzakirə edib?9 Noyabr 2025 14:58

"Münasibətlərimizlə yanaşı, xüsusilə Pakistan və Əfqanıstan arasında son dövrlərdə yaşanan hərbi gərginliyin qarşısının alınmasına dair tədbirləri müzakirə etdik".

Publika.az xəbər verir ki, bunu Türkiyə Prezidenti Rəcəb Tayyib Ərdoğan Azərbaycandan Türkiyəyə qayıdarkən jurnalistlərə açıqlamasında Pakistanın Baş naziri Şahbaz Şəriflə ikitərəfli görüşündən danışarkən deyib.

"Bildiyiniz kimi, bu iki qardaş ölkə arasındakı toqquşma mühitinə son vermək üçün Qətərlə birlikdə vasitəçilik proseslərini aparırıq. Məqsədimiz atəşkəsi davamlı edəcək tədbir və mexanizmləri işə salmaq və bölgədəki terror hadisələrinə qalıcı şəkildə son qoymaqdır",-deyə Ərdoğan əlavə edib.