“Yalnız ABŞ prezidenti Donald Tramp rusiyalı həmkarı Vladimir Putini Ukrayna ilə ciddi sülh danışıqlarına başlamağa inandırmağa qadirdir”.

Globalinfo.az xəbər verir ki, bunu Finlandiya prezidenti Alexander Stubb BBC-yə müsahibəsində deyib.

“Rusiyanı danışıqlar masasına oturmağa inandırmaq üçün bizə onları buna məcbur edəcək şəxs lazımdır. Rusiyanı sülh danışıqları masasına oturmağa məcbur etməliyik və prezident Trampın həyata keçirməyə çalışdığı da məhz budur”, – Stubb deyib.

Finlandiya prezidentinin sözlərinə görə, Tramp Alyaskada uyğun variant təklif edərək Putini danışıqlara razı salmağa çalışıb. Lakin onlar anlaşmaya nail ola bilməyiblər. Buna baxmayaraq Stubb əmindir ki, Rusiya və Ukrayna arasında sülhə yalnız Trampın səyləri və ABŞ-ın vasitəçiliyi ilə nail olmaq mümkündür.

Qeyd edək ki, Stubb Amerika lideri ilə şəxsi əlaqələri ilə tanınır. O, Zelenski-Tramp görüşündə iştirak edən yeganə avropalı dövlət başçısı idi.