Rusiya Baş Qərargahının rəisi, Ukraynadakı birləşmiş qoşunlar qrupunun komandanı Valeri Gerasimov bildirib ki, son altı ay ərzində, yəni 2025-ci ilin martından bugünədək ordu Ukraynanın 149 yaşayış məntəqəsini və 3,5 min kvadrat kilometrdən çox ərazisini ələ keçirib.

Globalinfo.az bildirir ki, onun sözlərinə görə, payıza qədər Rusiya qoşunları ilhaq edilən Luqansk vilayətinin 99,7%-i (60 kvadrat kilometrdən az ərazi qalıb), Donetskin 79%-i, Zaporojyanın 74%-i və Xerson vilayətlərinin 76%-i üzərində nəzarəti bərqərar edib.

Gerasimov Sumı vilayətində 210 kvadrat kilometr əraziyə və 13 yaşayış məntəqəsinə, Dnepropetrovsk vilayətində isə daha yeddi yaşayış məntəqəsinə nəzarət etdiklərini açıqlayıb. O qeyd edib ki, rus ordusu Kupyansk şəhərini demək olar ki, tamamilə mühasirəyə alıb.