İran hökuməti hüsilərə dəstək verməklə BMT-nin nümayəndəsinin Yəməndə sülhün bərqərar olması istiqamətindəki səylərinə mane olur.

Axar.az xəbər verir ki, bunu Yəmənin xarici işlər naziri Camal Amir deyib.

“İran husiləri razılaşmanı rədd etməyə və müharibəni davam etdirməyə sövq etdiyinə görə sülh prosesi faktiki olaraq dalana dirənib”, - nazir bildirib.

O, İranın dəstəklədiyi husilərin müharibəni bitirmək fikrində olmadığını qeyd edib:

“Qanuni hökumət bütün təşəbbüslərlə razılaşıb, ancaq husilərin müharibəni bitirmək istəyi yoxdur, onlar müharibə üçün yaşayırlar. Yəmənə təhlükə davam etdikcə husilərə qarşı hərbi variant masada qalacaq".