Rusiya Prezidenti Vladimir Putinin “Yasen-M” sualtı qayıqları ilə bağlı sözləri ABŞ-da qorxu yaradıb.

Globalinfo.az xəbər verir ki, bu barədə “National Interest” nəşri yazıb.

“Rusiya Hərbi Dəniz Qüvvələri gələn il daha çox yüksək qabiliyyətə malik sualtı qayıqlar ala bilər. Bu, Birləşmiş Ştatlar üçün dəhşətli xəbərdir. İyulun 24-də Severodvinskdəki Rusiya hərbi-dəniz bazasına səfəri zamanı Putin Yasen-M-nin seriyalı istehsalına davam etməyə çağırıb. O, belə sualtı qayıqların Hərbi Dəniz Qüvvələrinin ümumi təyinatlı qüvvələrinin zərbə potensialının əsasını təşkil etdiyini, onların yüksək dəqiqlikli silahlarla təchiz edildiyini, müasir naviqasiya, rabitə və hidroakustika vasitələrinə malik olduğunu bildirib”, – deyə nəşr xatırladıb.

Qeyd edək ki, iyulun 24-də Vladimir Putin Severodvinska səfəri zamanı “Knyaz Pozharsky” nüvə sualtı kreyseri üzərində bayraq qaldırma mərasimində iştirak etmişdi.