ABŞ-ın respublikaçı konqresmeni Don Beykon güman edir ki, prezident Donald Trampın Ukrayna ilə bağlı ritorikasını dəyişməsində onun həyat yoldaşı Melaniya Tramp mühüm rol oynayıb.

Axar.az xəbər verir ki, bu barədə “Hill” qəzeti məlumat yayıb.

“Mən prezidentin Ukrayna ilə bağlı mövqeyini dəyişdiyinə şadam. Düşünürəm ki, buna görə Melaniyaya təşəkkür etməliyik”, - deyə Beykon bildirib.

Bundan əvvəl Britaniyanın “Tayms” nəşri yazmışdı ki, Melaniya Tramp ərinin Ukraynaya silah tədarükünü bərpa etmək qərarına təsir göstərib. Donald Tramp isə həyat yoldaşının Ukrayna münaqişəsinə dair neytral mövqe tutduğunu qeyd edib.