Mərkəzi Afrika Respublikasında Rusiyanın “Vaqner” özəl hərbi birliyinin nəzarətində olan qızıl mədənində atışma baş verib.

Ailehekimiklinikasi.az lent.az-a istinadən bildirir ki, ilkin məlumatlara görə, 10-dan çox şəxs həyatını itirib. Media yazır ki, əvvəlcə mədənçiləri qadağan olunmuş zonada qızıl axtarmağa məcbur ediblər, sonra isə güllələyiblər.

Mərkəzi Afrika Respublikası hakimiyyətindən rəsmi şərh verilməyib. Hadisə ilə bağlı nə mədən nümayəndələri, nə də “Vaqner” əməkdaşları danışırlar.

Məlum olduğu kimi, 2018-ci ildən etibarən “Vaqner” kimi tanınan rus muzdlular şirkəti Mərkəzi Afrika Respublikasında yüksək vəzifəli şəxslərin mühafizəsi ilə məşğuldur və həmçinin gəlirli mədən konsessiyalarına rəhbərlik edir. Onların döyüşçüləri onlarla cinayətdə ittiham olunurlar.