Romada keçirilən Ukraynaya yardım üzrə donorlar konfransında Avropa Komissiyasının rəhbəri Ursula fon der Lyayen respublikanın bərpası üçün yeni fondun yaradıldığını elan edib.

Publika.az xəbər verir ki, bu barədə TASS məlumat yayıb.

O bildirib ki, bu fondun yaradılmasında İtaliya, Almaniya, Fransa və Avropa İnvestisiya Bankı da iştirak edib.

Onun sözlərinə görə, fondun təşkilatçıları tərəfindən təsdiqlənən qrantlar və kredit zəmanətləri Ukraynaya on milyard dollar özəl investisiya cəlb edəcək.

AK rəhbəri bu gün Avropa biznesmenlərini respublikaya sərmayə qoymağa çağırıb.

Daha əvvəl media mənbələrə istinadən xəbər vermişdi ki, Avropa İttifaqı 2028-ci ildən Ukrayna üçün 100 milyard avro məbləğində, o cümlədən ittifaqın yeddiillik büdcəsinə xüsusi fond yaratmağı planlaşdırır. Bu sənədə dair təklif iyulun sonunda təqdim edilməlidir.

Yeni maliyyələşdirmə mexanizmi AK-ın qrantlar və ucuz kreditlər vasitəsilə yardım göstərdiyi, Kiyevin isə onları almaq üçün islahatlar apardığı mövcud modelə geniş şəkildə uyğun olmalıdır.