ABŞ prezidenti Donald Tramp BRİKS-i ABŞ valyutasını qlobal standart kimi zəiflətmək cəhdində günahlandırıb.

Publika.az xəbər verir ki, Tramp bu barədə “Truth” sosial şəbəkəsində yazıb.

Amerika lideri iddia edir ki, alyans üzvləri dolları yeni beynəlxalq hesab vahidi ilə əvəz etməklə onun hökmranlığını aradan qaldırmağa çalışırlar.

“Lakin biz heç bir halda bu statusu itirmək fikrində deyilik”, - Tramp bildirib.

Trampın fikrincə, dolların dünyanın ehtiyat valyutası funksiyasını itirməsi ABŞ-ın mövqeyini kökündən dəyişəcək.

ABŞ prezidenti bu perspektivlə dünya müharibəsini uduzmaq arasında paralel aparıb.

Əlavə edək ki, Tramp iyulun 7-də ABŞ-ın BRİKS siyasətini dəstəkləyən ölkələrə qarşı 10%-lik əlavə ticarət tarifləri tətbiq edəcəyini açıqlamışdı.