Vaşinqtonun Şimali Atlantika Alyansındakı avropalı müttəfiqləri qitədəki Amerika qoşunlarının sayının mümkün qədər azaldılması prosesinə başlayıblar.

Publika.az xəbər verir ki, bu barədə "Euractiv" nəşri diplomatik mənbələrə istinadən yazıb.

Avropanın NATO dairələrində əmindirlər ki, ABŞ prezidenti Donald Tramp hazırda Avropada yerləşən və 80 min civarında olan qoşunların sayını azaldacaq. Məlumata görə, Asiya və Yaxın Şərqə 10-20 min hərbçinin yenidən yerləşdirilməsinin mümkünlüyü ilə bağlı da müzakirələr aparılır.

“Məsələ ABŞ-ın qoşunları çıxarıb-çıxarmayacağında deyil, alyansın mövcud müdafiə planlarını təhlükəyə atmadan bunun nə dərəcədə yaxşı həyata keçirilə biləcəyidir”, - Qərb hərbi-siyasi blokundan bir diplomat bildirib.