“Şimali Koreya iyul və ya avqust aylarında Rusiyaya əlavə qoşun göndərə bilər. Sözügedən əsgərlər Ukraynaya qarşı müharibədə iştirak edəcək”.

Globalinfo.az xəbər verir ki, bu barədə Cənubi Koreyalı qanunvericilər Milli Kəşfiyyat Xidmətinin (NIS) brifinqinə məlumat veriblər.

“Pxenyan, həmçinin Moskvaya silah tədarükünü davam etdirir. Şimali Koreya artilleriya sursatları və raketlər müqabilində çox güman ki, peyk buraxılışları və raketlərin idarə olunması sistemləri ilə bağlı texniki məsləhətlər alır. Rusiya eyni aylarda Ukraynaya qarşı böyük hücuma hazırlaşır”, – deyə bildirilib.

Qeyd edək ki, bu yaxınlarda Rusiya Təhlükəsizlik Şurasının katibi Sergey Şoyqu ölkə başçısı Kim Çen İn ilə danışıqlar aparmaq üçün KXDR-ə səfər edib.