Amerika Birləşmiş Ştatlarının (ABŞ) Azərbaycandakı səfirliyi təhlükəsizlik tədbirlərini artırıb.

Globalinfo.az xəbər verir ki, bu haqda diplomatik nümayəndəlikdən bildirilib.

Səfirlik iyunun 27-nə təyin etdiyi rəsmi qəbulu ləğv edib. Bu haqda yayılan məlumatda deyilir:

“Hörmətli qonaqlar,

27 İyun 2025-ci il cümə gününə planlaşdırılan ABŞ Müstəqillik Günü Qəbulunun bölgədəki son hadisələrə görə təxirə salındığını təəssüflə bildiririk. Bunun səbəb ola biləcəyi hər hansı narahatlığa görə səmimi qəlbdən üzr istəyirik. Anlayışınız üçün təşəkkür edirik”.

Hörmətlə,

ABŞ səfirliyi Bakı.”

Xatırladaq ki, iyun ayının 13-dən başlayaraq İsrail İrana qarşı hava hücumu həyata keçirir. Rəsmi Tehran buna cavab olaraq İsrail ərazisinə raketlər atır. İyunun 22-də ABŞ-a məxsus B-2 bombardmançı təyyarələri İranın nüvə obyektlərinin yerləşdiyi bir neçə əraziyə 13 tonluq bombalar atıb. Bundan sonra radiasiyanın ola biləcəyi ilə bağlı narahatlıqlar çoxalıb.

Hücumlardan öncə ABŞ bir neçə Yaxın Şərq ölkəsində diplomatik korpuslarını təxliyə edib.

Hazırda bölgədə vəziyyət kifayət qədər ağırdır. Müharibənin miqyasının daha da böyüyəcəyi istisna edilmir. Görünür ABŞ səfirliyi mümkün təhlükələrdən yayınmaq üçün bu cür kritik addımlar atmaq məcburiyyətində qalıb.