“Vladimir Medinskinin Ukrayna münaqişəsi ilə bağlı açıqlamalarında Rusiyanın işğal etdiyi əraziləri “mübahisəli” kimi təqdim etməsi, Azərbaycan–Ermənistan münaqişəsinə bənzətməsi açıq diplomatik təxribatdır”.

Bu sözləri Globalinfo.az-a politoloq Qabil Hüseynli deyib.

O bildirib ki, regionda reallıqlar əsaslı surətdə dəyişib:

“Görünür, Medinski hələ bunun fərqində deyil. Çünki onun dediyi mövcud həqiqətlərdən uzaq yanaşmadır.

Medinskinin bu bənzətməsi Rusiyanın siyasi ambisiyaları və geosiyasi maraqları üzərində qurulub. Məqsəd aydındır: İşğalçılıq siyasətini normal göstərmək, status-kvonu davam etdirmək. Bu yanaşma həmçinin Ukrayna münaqişəsinin sülh yolu ilə həllində Rusiyanın mövqeyini əks etdirir. Yəni Rusiya işğal edilmiş əraziləri sülh sazişi ilə qorumaq istəyir.

Medinskinin fikirləri prespektivdə həm regionda gərginliyi artırmaq, həm də sülh prosesinə əngəl yaratmaq məqsədi daşıyır. Rusiyanın bu kimi açıqlamaları isə prosesdə obyektivlikdən uzaq, öz maraqlarına xidmət edən siyasi manipulyasiyadır. Bu kimi açıqlamaların Rusiyaya heç bir müsbət dividenti ola bilməz, əksinə, Bakı ilə münasibəti pozular”.