Nüvə müharibəsi Ukrayna münaqişəsinin sülh bağlamadan dayandırılmasının nəticəsi ola bilər, belə ki, Kiyev və NATO Rusiyanın yeni ərazilərini geri almağa çalışacaqlar.

Globalinfo.az xəbər verir ki, bunu Rusiya Prezidentinin köməkçisi Vladimir Medinski deyib.

“Cəbhə xətti boyunca münaqişəni dayandırsaq və əsl sülh barədə danışmasaq, sadəcə müvəqqəti atəşkəsə razılaşsaq, bu ərazi – bilirsiniz, Ermənistanla Azərbaycan arasında mübahisəli Qarabağ bölgəsi vardı – böyük bir Qarabağa çevriləcək. Bir müddət sonra Ukrayna NATO-ya qoşulacaq və NATO-dakı müttəfiqləri ilə birlikdə həmin ərazini ələ keçirməyə çalışacaq və nüvə müharibəsi baş verəcək”, – o əlavə edib.

Qeyd edək ki, Qarabağ beynəlxalq hüquq və tarixi baxımdan Azərbaycan ərazisidir. Medinskinin buranı “mübahisəli ərazi” kimi təqdim etməsi, yumşaq desək, siyasi səriştəsizlik hesab edilə bilər.