ABŞ Prezidenti Donald Trampın Ağ Evin Dini İşlər Məsləhət Şurasına yeni üzvlər təyin etdiyi iddia olunur.

Globalinfo.az xəbər verir ki, bu barədə Türkiyə KİV-lərində məlumat yayılıb.

Bildirilir ki, Tramp əvvəllər müəyyən təşkilatlarla əlaqəsi olduğu deyilən İsmayıl Royer və HƏMAS-a yaxınlığı ilə tanınan Şeyx Həmzə Yusufa vəzifə verib.

“İsmayıl Royerin 2004-cü ildə Pakistanda yerləşən “Ləşkər-e-Taibə” (LeT) və “Əl-Qaidə” ilə əlaqədə olduğu deyilir. O, buna görə həbs edilib. 2017-ci ildə azad edilən Royer o vaxt “Taliban” əməliyyatlarını dəstəkləyib. Şeyx Həmzə Yusif isə HƏMAS və Fələstinə dəstək bəyanatları ilə tanınır. O, İsrail lobbisinin hədəfindədir. Bunlara rəğmən, hər iki şəxs məsləhət şurasına seçilib. Bildirilir ki, bu addım İsrailə qarşı atılıb”, – media yazıb.

Ağ Evdən təyinatlarla bağlı hələlik rəsmi açıqlama yoxdur.

“Şura Tramp administrasiyasına din azadlığı və inanca əsaslanan siyasətlərlə bağlı məsləhət verəcək”, – deyə mənbələr əlavə edib.