Fransa prezidenti Emmanuel Makron bildirib ki, Ukraynada atəşkəsə nail olmaq kontekstində yaxın səkkiz-on gün ərzində Rusiyaya təzyiqlər artırılacaq.

Publika.az xəbər verir ki, Makron jurnalistlərin həqiqətən də atəşkəsin yaxın olub-olmaması ilə bağlı sualını cavablandırıb və bunun belə olacağına ümid etdiyini bildirib. O, həmçinin deyib ki, “amerikalıları rusları bu atəşkəsi qəbul etməyə məcbur etmək üçün təhdidlərin və ola bilsin ki, sanksiyaların artırılması ehtimalının olduğuna inandırıb”.

“Mən ehtiyatlı qalıram, çünki prosesin bir hissəsi Moskvadan asılıdır. Biz bir olmalıyıq”, - Makron bildirib.