ABŞ prezidenti Donald Trampın xüsusi nümayəndəsi Stiven Vitkoff Fransa prezidenti Emmanuel Makronla danışıqlar aparmaq üçün Parisə səfər edəcək .

Publika.az xəbər verir ki, bu barədə “Politico” mənbələrə istinadən məlumat yayıb.

“Prezident Donald Trampın Ukrayna və Qəzzadakı münaqişələrə son qoymaqla məşğul olan xüsusi nümayəndəsi Stiv Vitkoff bu həftənin sonunda Parisə gedəcək”, - məlumatda deyilir.

Tərəflər təkcə Ukraynanı deyil, həm də Yaxın Şərqdəki vəziyyəti, İranla münasibətləri və Trampın yeni tarifləri elan etməsindən sonra ticarət siyasətini müzakirə etməyi planlaşdırır. ABŞ dövlət katibi Marko Rubio da Fransaya səfər edəcək və orada xarici işlər naziri Jan-Noel Barrotla görüşəcək.