Siqaret kimi yüksək nikotin tərkibli maddə ilə birlikdə isti çay içmək insan sağlamlığı üçün olduqca təhlükəlidir.

Ailehekimiklinikasi.az publika.az-a istinadən xəbər verir ki, siqaret və isti çay xərçəngin yaranma riskini dəfələrlə artırır.

Çində 450 nəfərin qatıldığı bir sınaqda isti çayın insan sağlamlığına təsiri araşdırılıb. Xüsusilə, siqaret və spirtli içki qəbul edənlərlə aparılan sınaq nəticəsində məlum olub ki, bunları birlikdə edənlərdə xərçəng riski 5 dəfəyə qədər artır.

Mütəxəssislər qida borusundakı hüceyrələrin DNT-lərini korlayan spirtli içki, siqaret və isti çayın təsirlərinin onların istifadə miqdarına bağlı olduğunu bildirib. Gün ərzində siqaret çəkərkən içilən isti çay ağızdan mədəyə qədər olan bütün hüceyrələrin ölməsinə və həmin bölgələrin infeksiyalı hüceyrələrə qarşı müdafiəsiz qalmasına gətirib çıxarır.