Avropa İttifaqı (Aİ) tariflər məsələsində ABŞ- la danışıqlara hazırdır.

Publika.az xəbər verir ki, bunu Avropa Komissiyasının rəhbəri Ursula fon der Leyen “X” sosial şəbəkəsindəki səhifəsində yazıb.

"ABŞ-ın elan etdiyi universal tariflər bütün dünyada biznes və istehlakçılar üçün ciddi zərbədir. Eyni zamanda, biz cavab verməyə hazırıq. Artıq polad tariflərinə qarşı ilk cavab tədbirləri paketini razılaşdırmışıq", - o yazıb.

Onun sözlərinə görə, Brüssel Vaşinqtonla danışıqların nəticəsiz qalacağı təqdirdə addımlarını sərtləşdirməyə hazır olacaq. Von der Leyen dialoqa başlamaq üçün "hələ gec olmadığını" vurğulayıb.