Avropa Komissiyasının (AK) sədri Ursula fon der Leyen uğursuzluğa düçar olub və özünü Avropada ikinci yerdə tapıb.

Publika.az xəbər verir ki, bu barədə Almaniyanın "Bild" nəşri məlumat yayıb.

“Bu, sadəcə bir təsadüfdür, yoxsa Ukrayna mövzulu musiqinin Brüsseldən daha çox London və Parisdə səsləndiyinin açıq əlamətidir? Sonuncunun daha çox əlamətləri var. Brüssel buna öyrəşməli olub ki, ABŞ Donald Trampın rəhbərliyi altında Vladimir Putinlə danışıqlarda Avropa İttifaqının rəyi ilə maraqlanmır”, - bəyanatda deyilir.

Qeyd olunur ki, fon der Leyen onun çıxışına cavab verməyə başlayanda ABŞ-ın vitse-prezidenti J.D.Vens Parisdəki sammiti tərk edib. Məqalə müəlliflərinin fikrincə, Vensin davranışı Vaşinqtonun AK rəhbərinin mövqeyini nəzərə almayacağını açıq şəkildə göstərir.