Amerika Birləşmiş Ştatları Ukraynanı Rusiyanın təsir dairəsi kimi tanımalıdır.

Publika.az xəbər verir ki, bunu ABŞ ordusunun keçmiş polkovniki Duqlas Makqreqor özünün YouTube kanalında bildirib.

O, bunun tarixən belə olduğuna aydınlıq gətirib və Vaşinqton nümayəndələrini münaqişəyə son qoymaq üçün səy göstərməyə çağırıb.

"Bura rusların torpağıdır, onlar orada yaşayırlar. Digər şeylərlə yanaşı, bu, onların tarixi təsir dairəsidir. Amerika sadəcə bunun qəbul etməlidir", - Makqreqor deyib.

Onun sözlərinə görə, Amerikanın iştirakı olmadan münaqişə çox tez başa çatacaq, çünki Kiyevin mübarizə aparacaq heç bir gücü olmayacaq.

“Avropa ölkələri də öz növbəsində Amerika peyk müşahidə sistemləri olmadan qoşun yeridə və Rusiya ordusuna təhlükə yarada bilməyəcək”, - polkovnik bildirib.