ABŞ Ordusu "670" etiketli naməlum model raketi atmaq üçün TOW tank əleyhinə raket buraxılış qurğusundan istifadə edən “Bradley” döyüş vasitəsinin fotoşəkilini yayımlayıb.

Publika.az xəbər verir ki, məhsul Kaliforniyadakı Fort İrvində təlimlər zamanı aşkar edilib.

“The War Zone” jurnalistləri tərəfindən təhlil edilən görüntüyə görə, “670” raket mühərriki ilə hərəkət edir və quyruq hissəsində yerləşdirilə bilən stabilizatorlarla təchiz olunub.

Raketin gövdəsi üç hissəyə bölünüb ki, bu da onun modul dizaynını göstərə bilər. “Naked Science” yazır. "670" TOW raketinin məlum modifikasiyalarından çox fərqlidir.