Yaponiya və Cənubi Koreya Şimali Koreyanın Yapon dənizi istiqamətində yeni raket sınaqdan keçirdiyini açıqlayıb.

Publika.az xəbər verir ki, Şimali Koreya bəyanatı təsdiqləyib və hipersəs döyüş başlığı daşıyan bərk yanacaqlı və orta mənzilli ballistik raketin (IRBM) uğurla sınaqdan keçirildiyini bildirib.

Pxenyanın verdiyi açıqlamada Şimali Koreya Raket Administrasiyasının hipersəs döyüş başlığı daşıyan bərk yanacaqlı orta mənzilli ballistik raketi (IRBM) uğurla sınaqdan keçirdiyi bildirilib. Açıqlamada qeyd edilib ki, sınaqdan keçirilməsində məqsəd hipersəs manevr edə bilən döyüş başlığının xüsusiyyətlərini və yeni çoxmərhələli yüksək təzyiqli bərk yanacaq mühərriklərinin etibarlılığını yoxlamaq olub. Sınaq atışının qonşu ölkələrin təhlükəsizliyinə heç bir təsiri olmadığı vurğulansa da, raketin uçuş məsafəsi və hündürlüyü barədə məlumat verilməyib.

Cənubi Koreya Baş Qərargahından verilən açıqlamada yerli vaxtla saat 14.55-də atılan raketin təxminən min kilometr məsafə qət etdiyi açıqlanıb. Yaponiya hökuməti 2024-cü ildə Pxenyanın ilk raket sınağı kimi qeydə alınan sınağı təsdiqləyib və raketin ölkənin müstəsna iqtisadi zonasından kənara düşdüyünü bildirib.

Aysel