Macarıstanda parlamentdə tüstü bombası yandıran deputatlar cəzalandırılıb.

Publika.az xəbər verir ki, bu barədə Ukraynanın “Politics of the Country” “Telegram” kanalı məlumat yayıb.

Hadisə martın 19-da baş verib. Altı deputatın qanunvericilik binasına girişi qadağan edilib və ümumilikdə 200 min avro cərimə olunub, bunun 60 min avronu müxalifətdəki Momentum partiyasının lideri David Bedot ödəyib.

Cəzalandırılan parlamentarilər Budapeştdə LGBT paradına qadağa qoyulmasına qarşı çıxıblar.

Tüstü bombaları parlamentin illik qürur paradını qadağan edən qanunu qəbul etməsinə mane ola bilməyib.