Ağ Evin mətbuat katibi Kerolayn Livit keçirdiyi brifinqdə fransalı deputatın Azadlıq heykəlinin geri qaytarılması tələbinə münasibət bildirib.

Publika.az xəbər verir ki, o, ABŞ-ın Fransa qarşısında xidmətlərini xatırladıb.

"Adını çəkmədiyim aşağı səviyyəli bir fransız siyasətçisinə tövsiyəm budur ki, fransızların bu gün almanca danışmamalarının tək səbəbinin ABŞ olduğunu xatırlasın. Buna görə də bizim böyük ölkəmizə çox minnətdar olmalıdırlar", - deyə Livit qeyd edib.

Ağ Evin mətbuat katibi ABŞ-ın qətiyyən heykəli geri qaytarmaq niyyətində olmadığını bildirib.

Daha əvvəl Fransa parlamentinin deputatı Rafael Qlyuksmann Ağ Ev rəhbəri Donald Trampın qərarlarını tənqid edərək ABŞ-dan Azadlıq heykəlini geri qaytarmağı tələb edib.

Xatırladaq ki, Azadlıq heykəli fransız Frederik Ogüst Bartoldi tərəfindən hazırlanıb və 28 oktyabr 1886-cı ildə Fransa xalqı adından ABŞ-a hədiyyə edilib.