Ukrayna Prezidenti Volodimir Zelenski G7 sammitinə dəvət edilib.

Globalinfo.az xəbər verir ki, bu barədə “Le Journal de Quebec” nəşri Kanada Xarici İşlər Nazirliyinə istinadən məlumat yayıb.

Kanadanın yeni seçilən Baş naziri Mark Karni Zelenskini iyunda keçiriləcək G7 sammitinə dəvət edib. 15-17 iyun tarixlərində keçiriləcək sammitə bu il Kanada ev sahibliyi edəcək.

Qeyd edək ki, Kanada Ukraynanın güclü müttəfiqi olub, rəsmi Kiyevə bu zamana qədər 19,5 milyard Kanada dolları (13,5 milyard dollar), o cümlədən 4,5 milyard Kanada dolları (3,1 milyard dollar) hərbi yardım göstərib.