Çin, Rusiya və İran Pekində İranın nüvə proqramı ilə bağlı zirvə toplantısı keçirəcək.

Publika.az xəbər verir ki, bu barədə Çin Xarici İşlər Nazirliyindən açıqlama verilib.

Martın 14-də keçiriləcək iclasa Çinin xarici işlər nazirinin müavini Ma Caosu sədrlik edəcək.

İclasda Rusiya xarici işlər nazirinin müavini Sergey Ryabkov və İranın xarici işlər nazirinin müavini Kazem Qəribabadi iştirak edəcək.

Görüş zamanı tərəflər İranın nüvə proqramı və qarşılıqlı maraq doğuran digər məsələlər ətrafında fikir mübadiləsi aparacaqlar.