Artıq bir müddətdir ki, Suriyanın kəndlərindəki ermənilər təhlükəsiz yerlərə köçürülürlər.

Globalinfo.az xəbər verir ki, bu barədə “News Armenia” məlumat yayıb.

Latakiyadakı ermənilər qəzetə açıqlamalarında vəziyyətlərinin yaxşı olduğunu bildiriblər:

“Hamımız diqqət edirik, əksəriyyət evdə qalır, küçəyə çıxmamağa çalışırıq. Şəhərdə vəziyyət son iki gündə yaxşıdır. Hər yer qapalıdır, sadəcə qida ala bilməyimiz üçün bəzi mağazalar açıqdır”.

Məlumata görə, Latakiya və ətraf ərazilərdə 750 erməni ailəsi yaşayır. Suriyadakı erməni diasporu onların ərazidən təxliyəsinə başlayıb və bunun üçün hər biri ilə əlaqə yaradır. Xarici İşlər Nazirliyi də vəziyyəti yaxından izləyir.

Qeyd edək ki, bir neçə gündür devrilmiş Bəşər Əsəd rejimi qüvvələri ilə yerli təhlükəsizlik qüvvələri arasında baş verən silahlı qarşıdurma nəticəsində artıq 1000-dən çox insan həlak olub.

Hələ Əsəd rejimi yeni devrildiyi zaman burada yaşayan ermənilərin həyatının təhlükədə olduğu bildirilmiş və hökuməyin təxliyə planı hazırlaya biləcəyi açıqlanmışdı. Lakin yeni hökumət yerli ermənilərə təhlükəsizliklərinin təmin olumacağına dair söz verdikdən sonra bu məsələ ikinci plana atıldı. Hazırkı vəziyyətdə isə təxliyənin zəruri olduğu bildirilir.