Türkmənistan Xalq Şurasının sədri Qurbanqulu Berdiməhəmmədov təbii qazın tədarükü üzrə Avropadakı tərəfdaşları ilə sıx əməkdaşlığa hazır olduğunu bəyan edib.

Publika.az bu barədə "Euronews"a istinadən xəbər verir.

“Avropa enerji bazarı dünyanın ən böyük bazarlarından biridir”, - deyə o, müsahibəsində deyib.

Onun sözlərinə görə, Türkmənistan təbii qaz tədarükü məsələsində “Avropalı tərəfdaşlarla yaxından işləməyə” hazırdır.

Berdiməhəmmədov qeyd edib ki, elan edilən planları həyata keçirməyin yollarından biri transxəzər marşrutudur. O qeyd edib ki, Türkmənistan həmişə “Xəzərdə enerji sahəsində tam hüquqlu tərəfdaşlığın yaradılmasını” müdafiə edib. Müzakirə həmçinin qərb istiqamətində sualtı boru kəmərlərinin çəkilməsi məsələsinə də aiddir.