Çin xarici işlər naziri Van Yİ Cənubi Afrika Respublikasında keçirilən G-20 ölkələrinin görüşü çərçivəsində hindistanlı həmkarı Subramanyam Cayşankarla görüşüb.

Globalinfo.az xəbər verir ki, məlumatı “Sinxua” agentliyi yayıb. Məlumata görə, görüşdə məqsəd ikitərəfli münasibətlərin inkişafı olub. Van Yi görüşdə deyib ki, hər iki tərəf qədim qonşu sivilizasiyalar kimi bir-birinə güvənməli və bir-birini dəstəkməlidirlər.

Cayşankar isə deyib ki, Hindistanla Çin arasındakı qarşılıqlı etimad hər iki tərəfin maraqlarına uyğundur. O, Hindistanın Çinlə əlaqələrini gücləndirməkdə maraqlı olduğunu deyib. O həmçinin hər iki ölkənin beynəlxalq qarşılıqlı fəaliyyətini artırmalı olduğunu söyləyib.

Qeyd edək ki, ABŞ Prezidenti Donald Tramp hakimiyyətə gəldikdən sonra Vaşinqtonu ilk ziyarət edən liderlərdən biri Hindistan baş naziri Narendra Modi olub. Modi ilə Tramp görüşdükdən sonra ikinci ABŞ-ın Hindistana silah tədarükünü artıracağını, həmçinin qaz tədarükünün artırılması ilə bağlı razılıq əldə etdiklərini bildirib. O, ABŞ-ın Hindistan qaz bazarında lider olmağı hədəflədiyini bildirib. Hazırda bu bazarda lider mövqeyi 38% payla Rusiya tutur.

Bununla belə maraqlı olan ABŞ-ın Hindistanla əlaqələri Trampın ilk prezidentlik dövründən gücləndirməsidir. Vaşinqton Hindistanı xüsusilə Çinə qarşı alternativ güc kimi dəstəkləmək niyyətindədir. Bu çərçivədə ABŞ, Yaponiya, Hindistan və Avstraliyanın QUAD təşkilatı da yaradılıb ki, onun da məqsədi Çinin qarşısını almaqdır.