Dəməşq bundan faydalanarsa, Rusiyanın Suriya ərazisindəki hərbi bazaları qalacaq.

Publika.az xəbər verir ki, bu şərti Suriya müdafiə naziri Əbu Kəsra açıqlayıb.

Nazir qeyd edib ki, Moskvanın Suriyanın yeni hakimiyyət orqanlarına münasibəti xeyli yaxşılaşıb, ona görə də Dəməşq hazırda Rusiyanın tələblərini diqqətlə öyrənir.

“Siyasətdə əbədi düşmənlər yoxdur”, - Əbu Kəsra deyib.

Əbu Kəsra Suriyanın bu cür əməkdaşlıqda fayda görəcəyi təqdirdə Tartusdakı Rusiya dəniz limanı və Latakiyadakı Xmeymim aviabazasının toxunulmaz qalacağını vurğulayıb. Onun sözlərinə görə, Rusiya ilə hərbi bazaların gələcəyi ilə bağlı aktiv danışıqlar artıq aparılır, lakin həll yolu hələ tapılmayıb.