Azərbaycanın NATO yanında nümayəndəliyinin başçısı Cəfər Hüseynzadənin sloveniyalı həmkarı Andrey Benedeyçiçlə görüşü diqqət çəkib. İki ölkə rəsmiləri Bakının “NATO müttəfiqləri və tərəfdaşlarının enerji təhlükəsizliyinə töhfəsi” mövzusu çərçivəsində müzakirə aparıblar.

Cəfər Hüseynzadə bununla bağlı sosial şəbəkə hesabında paylaşım edib və əhəmiyyətli fikir mübadiləsinin aparıldığını bildirib. Mövcud gərgin siyasi vəziyyətdə Azərbaycan rəmisi ilə NATO nümayəndəsinin görüşü maraqla qarşılaıb.

Bu görüşün arxasında nə kimi mesaj var? Bakı və NATO rəsmilərinin müzakirəsi necə dəyərləndirilməlidir?

Globalinfo.az-a danışan politoloq Zeynal Əmrəliyev deyib ki, Azərbaycan son zamanlar Avropanın bir çox ölkəsi ilə əlaqələrini inkişaf etdirib:

“Ümumi olaraq, Avropanın bəzi qurumlarının Bakıya münasibəti qərəzli olsa da, region ölkələri ilə əlaqələrimiz inkişaf edir. Sloveniya ilə Azərbaycan arasında enerji sahəsində üzrə əməkdaşlıqda son zamanlar böyük uğurlara imza atılıb.

2024-ci ilin iyulunda Azərbaycan Dövlət Neft Şirkəti (SOCAR) ilə Sloveniyanın ən böyük təbii qaz təchizatı şirkəti olan “Geoplin” arasında əməkdaşlığın genişləndirilməsinə dair Anlaşma Memorandumu imzalanıb. Bu da ikitərəfli əlaqələrin inkişafı baxımından əhəmiyyəli lahiyədir. Bakı və Lyublyana arasında 1996-cı ildən diplomatik əlaqələr var. Həmçinin parlamentlərarası dostluq qrupu fəaliyyət göstərir. Bu əlaqələr Azərbaycan-NATO əməkdaşlığına da öz töhfəsini verə bilər”.

Politoloq bildirib ki, alyansa üzv ölkələrlə əlaqələr Bakı üçün önəmlidir:

“Azərbaycan öz ordusunun NATO səviyyəsində təşkili üçün uzunmüddətli yol keçib. Düşünürəm ki, diplomatların görüşündən sonra ikitərəfli əlaqələrin daha da güclənməsi, xüsusilə enerji sahəsində əməkdaşlığın genişləndirilməsi üçün yeni lahiyələr həyata keçirilə bilər”.